Siz azizlarni go‘zal va qutlug‘ ayyom – Navro‘zi olam munosabati bilan Toshkent shahar Qurilish bosh boshqarmasi jamoasi nomidan chin qalbdan muborakbod etamiz!
Navro‘z – bu tabiat uyg‘onadigan, insoniyat tabiat bilan hamjihat bo‘ladigan, qadriyatlar ulug‘lanadigan va butun olam yashillikka burkanadigan jozibali palla hisoblanadi.
Millatimizning go‘zal an’analarini, bahoriy yangilanish va yasharish nafasini o‘zida jam etgan qadimiy sharqona ayyom — Navro‘zi olamda yurtimizning barcha go‘shalarida shod-u xurramlik bilan sayillar va bayram tadbirlari orqali bahoriy yangi kun qarshi olinmoqda.
Yaratganning rahmati yog‘ilib turgan ushbu shukuhli va saodatli ayyomda xonadoningizga mehr-oqibat va xayr-saxovat, mustahkam sog‘lik, baxt-u saodat, tinchlik, fayz-u baraka, to‘kin-sochinlik, qalblaringizga ezgulik, quvonch hamda bahoriy ko‘rkamlik va yangilanish kayfiyatini olib kelishini tilab qolamiz.
